• ×

السبت 10 ربيع الثاني 1441 / 7 ديسمبر 2019 اخر تحديث : 04-10-1441

الشاعر :خالد المذعور

زاوية شاعر الاسبوع

 0  0  2961
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم
ناصر الشمري (اخبارية الجبل): 
شاعر الاسبوع / الشاعر خالد المذعور * شاعرنا في هذا الاسبوع من الشعراء المبدعين في الساحة الشعبية , ومن الشعراء الذين ابدعو وتميزو في جميع مجالات الشعراء وخاصة في غرض الوصف , ابدع حتى اصبح مطلب للمهرجانات والامسيات الشعبية , له العديد من المشاركات في المهرجانات الشعبية والامسيات انه الشاعر المبدع / خالد بن سليمان المذعور اخترنا لكم بعض من قصائده

الصمت


الصمت في بعض المواقف غنيمه = يخلي غريمك بالمجالس يجاملك
يبيد حال مدورين النميمه = عليك مايلقون علمن يخجلك
اهل العقول الساخفات السقيمه = اللي على مكنون صدرك تحاولك
لاتعتبر صبرك عليها هزيمه = بالعكس يرفع من مقامك تجاهلك
اعرف مواجيب النفوس الحشيمه = وعامل خويك بما تمنى يعاملك
ولا تعتقد كل النوايا سليمه = كم واحدن وده يغيضك ويزعلك

راكب اللي


راكب اللي يطوي البعد ياطال الطريق = زول ذيبن لسمن الضان بالخبت درقه
صممه من يتقن الصنع بالفكر الدقيق = افنصن من واجب الضيف مابش عرقه
اشهبن ياشابط الطعس مع راسه يويق = مخملن سيته من الجد ماشيل ورقه
روغته ياعقرب الخط مع خشم المضيق = روغة اللي فوقه الطير حده ولحقه
نصه اللي يكرم الضيف ويعز الرفيق = عاقل يلقى به العرف والمنطق ثقه
بيننا حبل العلاقات والخوه وثيق = والمكارم بين الاجواد لو ماتو بقه
ابو نايف منبع الجود يانعم الصديق = الله اللي ميز الخلق بالطيب افرقه
ابلجن من روس قومن لهم ماضن عريق = قبل شوفه طيب علمه مع الناس سبقه
جاب صفرا تبهج الكبد بالساس العميق = تلع ماجاك باللحى خنبه ودنقه
جودلن حدب العرانين والعنق الرقيق = من المناخر جرد الارقاب لراس نتقه
كل صفرا تعترض لك مثل هضبه طويق = والضهر سبحان ربن على الردف فهقه
صح لهن بمهوبل الصوت يالوجه الطليق = وهات ذودك يابيض الوجه للماد وسقه
عادتك في كسب الامجاد بالعزم السبيق = وهامتك لمصافح المجد بالقمه رقه

مل قلبن


مل قلبن من عنا الوقت مبطي ماستراح = بينن في وجه راعيه لوعزمه قوي
ياتذكرماضي الوقت وسنين الكفاح = ماغلب طبع الحضاره على قلب بدوي
ونستي طوي الجراهيد وفجوج البراح = مع هوى وضحن تدله فواد المهتوي
تلته ملحن تماوح مع القاع البياح = روحت مع جرهد البيد تطويها طوي
نيته قفرن من الوسم مسقيه القراح = علته رخم المراديم لين انه روي
كن نبته نقشت الزل بقصورالصباح = ساق عوده وارتوى العرق والقاع ثروي
مرتعن لمفدغ الرووس واللحي الطفاح = في رهادن ماحفى الخف والعرق غذوي
دوجي يامهجة القلب يالجرد الشناح = وشرعي غند الخباري بخدن مستوي

التعليقات

التعليقات ( 0 )

التعليقات ( 0 )

جميع الأوقات بتوقيت جرينتش +3 ساعات. الوقت الآن هو 07:49 مساءً السبت 10 ربيع الثاني 1441 / 7 ديسمبر 2019.