• ×


شبة المغرب منذ 40 سنة بلا كلل او ملل

زيادة حجم الخط مسح إنقاص حجم الخط
نهير نمش (اخبارية الجبل ): image



بعد صلاة المغرب وكما هو معتاد يوميا بهذا الوقت على مدار السنه ومنذو اربعون سنه شبه عند الاديب الكريم ناصر بن محمد ابن هديرس
بمنزله الكائن بحي السعاده بالسلي بشرق الرياض
ويجتمع بمجلسه من كل شمر والقبايل الاخرى
وكان بهذا اليوم لي اخذ بعض الصور لمعزبنا ابو سعد ولمن يحضرون في مجلسه العامر
وهم خلف فالح الشمروخي ومنور برجس الجعفري وعبدالله غازي النهيت وعواد جزاع الحسيني واحمد طاري الجبهان وعبدالرحمن سليمان العضاض والشيخ سند بن حمود العلي ودخيل ركاد الحسيني
image

-وعند سؤال عن الفايده من مثل هالشبات قال ابن هديرس
اول شي وناستي انا استانس اذا شفت اللحوات الغانمه متجمعين عندي ومنها فنجال وسالفه وقصيده ولغز واخذ علوم بعض

وقال مرات يجي رجالٍ من بعيد ويعرف وقت شبتنا ويجي ويلقاء اكثر شمر متجمعين في شبتي او اي شبه من شبات شمر العصر والصبح وهذي هي حلات هالدنياء نشوف ربوعنا وناخذ علومهم والحمدلله على نعمة الامن والامان
ابو سعد نبي لنا بيتين شعر

قال هذه ابيات ارسلته لاحد بنيخيي يطلب منا نعيد عندهم وعيدنا بالرياض وارسلت له.
يقول
العيد عيدناه بحي السعاده=
والحمدلله عيدنا صار مممتاز
الجو غيمٍ والهوا به ركاده=
والبرق لاح والرعد له ترزاز
يالله تجنبنا دروب القراده=
وتجعل لنا حظٍ عن الشين منحاز
وانا هواء بالي وغاية مراده=
وناستاً مابين شمر وعناز
اللي لهم بالطيب بصمه وعاده=
ماردو البيبان من دون معتاز

ابو سعد اربعين سنه دون كلل وملل ارتباط يومي بهذا الوقت كيف توصفه..
الحقيقه وناسه ولو ماجاني احد اتضايق ودي المجلس مليان رجال على طول فهي والله وناسه لاتوصف حقيقه

image

image


image

image


image


image
image
 0  0  4064
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 11:58 مساءً الثلاثاء 3 ربيع الأول 1442 / 20 أكتوبر 2020.