• ×

الجمعة 16 ربيع الثاني 1441 / 13 ديسمبر 2019 اخر تحديث : 04-15-1441

شاعر الاسبوع الشاعر/بايق عبدالرحمن الذرفي

 0  0  1075
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم
"اخبارية الجبل" ناصر الذرفي:  
شاعرنا هذا الاسبوع شاعر ابدع في شعره في كافة اغراض وبحور الشعر المختلفة , ساهم في اثراء الساحة الشعبية من خلال مشاركاته في الامسيات والمهرجانات الشعرية.
ساجل العديد من كبار الشعراء في الساحة الشعبية , حاصل على لقب شاعر الصحراء في نسخته السادسة التي اقامته جمعية الثقافة والفنون بمنطقة حائل .
هو الشاعر / بايق عبدالرحمن الذرفي الشمري

واخترنا لكم مجموعة من قصائدة ونتمنى ان تنال استحسانكم .


وطنية



يادار يادارن لقينا بك اللين = ام لنا دايم بالانعام مدرار
يادار انتي قبلتن للمصلين = حجاج بيت الله تجيك من الاقطار
بك الحرم واللي رفع رايه الدين = الذي ارسله ربي نذيرا للابشار
يادار ابو تركي ربيع المقلين = ريف الضعيف اللي عليه الدهر جار
ساد الجزيرة لين هدا السلاطين = بسياسة الراس المحنك والافكار
ساده وصفا حلو ماها من الطين = شرب القراح العذب من عقب الامرار
يسري ليامنه رقد بارد العين = يازان نوم اللي ليا نام ماثار
على النظا واللي وطن بالوطى القين = بنات كحيلان الفحل قب الامهار
ياوردن يشدن رفيف الشياهين = بنحور عجلات الندب قصف الاعمار
عليهن اللي يوردون المسانين = بايدي رجال للمهمات حضار
ياثارت الهيجا للارواح مهدين = يروون سيفن للجلاميد بتار
ورث عيالن للمسيرة ميامين = حامينها عن كل طامع وغدار
حكام نجد اللي على الحق ماشين = مع سنة اللي جاره الله عن النا ر
اخوان نوره لشريعه مقيمين = سعودن وفيصل وابو فيصل هل الكار
فهد وعبدالله وسلطان وافين = اولاد ابن مقرن طويلين الاشبار
بظلالهم نجدن تقل مزرعة تين = ومواطنه يقطف ثمر كل الاشجار
تخالفت به مزهرات البساتين = من غير عمران على عدة ادوار
تزينت مثل هنوف المزايين = شامت لزحزيحن على الكود صبار
المملكة صارت من احلى البلادين = به استتب الامن من بعد الاخطار
دولة هل العوجا سطام المعادين = ضله يضلل عن سموم الهوى الحار
عسى يغذيها هبوب النسيمين = وتخضر فياضه من هماليل الامطار



الحمد لله ملكنا طاب


الحمد لله ملكنا طاب = رجع على الشعب متعافي
الشعب من روحته منصاب = ترجف ضمايرهم ارجافي
سلمت يامعرب الانساب = يالخير النادر الوافي
نجاك ربي من الاسباب = منزل تبارك والاعرافي
حنا للي حاربك حراب = الشعب لك مخلصن صافي

كل ماقلت ابنسى




كل ما قلت ابنسى شفت شين عجايب = ذكرني وانا قبلن ركابي مقافي
يوم شفت الهجوم احضرت جيش الحرايب = ابدافع ولكن شفت مامن عوافي
ثم تم اسرنا غصبن على غير طايب = عند نجل العيون مورسات الاشافي
مخضبات الكفوف منقضات الذوايب = نابيات المرادف والخواصر هوافي
ساحرات الهووي فاتنات الحبايب = مغريات المولع باحثات الخوافي
حسبي الله على من كان هو لي سبايب = رابع اربع هنف لي بالثمان الرهافي
اعترض لي وعرضني لعوج الطلايب = لين طعته وجيت امشي على الرجل حافي
ياتبسم ولد شعل ضميري لهايب = بالمبيسم سحر هاروت يالله تكافي
يانضرت العيون اللي بها الكحل ذايب = زاد نبض الفواد وللضلوع ارتجافي
اتمنى ولا قيل المنى جاب غايب = من تحلله بالسنة وعقد الزفافي


يالله ياللي لامقل ولا بخيل


يالله ياللـي لامقـل ولا بخـيـل = ياللي من ارزاقك يجود الاجـودي
انت العظيم انت الكريم انت الجليل = من يهتدي بك يالالهـي مايغـدي
انت الذي قولـك دليلـن مايعيـل = نورا لنا يجلى الضلام السرمـدي
تجعل لنا يوم اللقا ضـلا ضليـل = يافراج الشدات لاتخيـب جهـدي
جا موقف الشعار جا جني الحصيل = كلن على الاول ينافـس ويعـدي
مثل صهيل الحصن بالماد الطويل = ياللجنة التحكيـم بالحـق اشهـدي
خض القريحة يافكر وانق الجزيل = خذ در خذ ياقوت خـذ زمـردي
مثل الذهب ياصبه المصنه يهيـل = مثايلـن جـزلات مافيهـن ردي
قافن ليا صغته مثل حد الصقيـل = ياسل من داخل خبـاه الاجـردي
من فضل راع الجود والمد الفضيل = منزل على طه النبي خير الهـدي
العالـي الخـلاق برزاقـه كفيـل = جـلا جلالـه مالغيـره نعبـدي

التعليقات

التعليقات ( 0 )

التعليقات ( 0 )

جميع الأوقات بتوقيت جرينتش +3 ساعات. الوقت الآن هو 05:45 صباحًا الجمعة 16 ربيع الثاني 1441 / 13 ديسمبر 2019.