• ×

الجمعة 18 ربيع الأول 1441 / 15 نوفمبر 2019 اخر تحديث : 03-16-1441

( يامرسال خبّرنا ) قصيدة للشاعر نايف المنيس

بواسطة : زائر
 0  0  13169
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
إرسال لصديق
طباعة
حفظ باسم
اخبارية الجبل : قصيدة رائعة صاغ كلماتها الشاعر الفذ #نايف المنيس
بمناسبة #عتق_رقبة_سلمان_الشمري
اسندها على اﻷخ / مرسال بن مطلق المروب
المسؤول عن الحمله يقول فيها :

يامرسال خبرنا عن السالفة وش صار
وش اخر خبر حصري صدر عن قضيتنا

يامرسال ابن مطلق نبي منك اﻷخبار
نبي نحتزم يوم ان بقعا تحدتنا

تر الشمري في ساعة الضيق دمه حار
ولا تنكر أنه ينتحر لا بدا يتنا

يامرسال سلم لي على ربعنا الويبار
معاهم معاهم ما حيينا ولو متنا

سنبقى على مر الليالي مثل سنجار
لو الوقت يقسى ماتغير مكانتنا

اليا شح منهو يجمع المال بالدينار
نهين الفلوس وننتخي مع جماعتنا

طنايا ترى سلمان ابن عمنا محتار
جداه التوجد ينتظر وقت فزعتنا

وقفنا لجل ياسر وجبنا القرار السار
آضاف المورخ فوق الامجاد وقفتنا

وهلحين هباس ابتدى يطوي المشوار
تقدم ولد نايف يبي ينهي ازمتنا

ولد شايب(ن) يا جعلها ماتجيه النار
ابومتعب اللي تفتخر به قبيلتنا

سناعيس والصايح حرار(ن) عيال احرار
نعم شمر اللي ترفع الراس سمعتنا

نحب الكرم ونقدر الضيف هو والجار
ونحفظ عوايدنا مثل حفظ امانتنا

اليا غار فوق المهرة الفارس المغوار
نقول العمر راعيه هاليوم وش يتنا ؟

نطحناه روس رماحنا تقسم اﻷزوار
ولميع الطياس ولمعة الجوخ ميزتنا

فكم فارس(ن) من فوق صهوة جواده طار
وكم سربة (ن) ماعودت بعد ما جتنا

اليا شاش خطوان المدرع ودمه فار
يقسم جموع الخيل وينول غايتنا

اليا قامت الفتنه وزاد اشتعال النار
نبيع العمار ونكسب المدح لو متنا

وحنا حميتنا يردد نباه المار
وفزعة عبيد مكفيه عن حميتنا

نبي وقفة (ن) ياربعنا له صدا واذكار
ونبي كلنا ناقف سوى مع جماعتنا

ويامرسال سلم لي على ربعنا الويبار
معاهم معاهم ما حيينا ولو متنا



#نايف_المنيس

التعليقات

التعليقات ( 0 )

التعليقات ( 0 )

جميع الأوقات بتوقيت جرينتش +3 ساعات. الوقت الآن هو 02:06 مساءً الجمعة 18 ربيع الأول 1441 / 15 نوفمبر 2019.